Fëmijëve u flasim për të ardhmen. Me hapësirat që projektojmë, u tregojmë sa kujdesemi për të tashmen e tyre.
Ujeza Mulaj Architecture
Arkitektura,
edhe në heshtje,
flet.
Si arkitekte, besoj se kur i japim trajtë një hapësire, prekim edhe jetën që do të zhvillohet brenda saj.
01 / Përgjegjësia e arkitektit
Përtej fasadës, ne ndikojmë në mënyrën si njerëzit takohen, mësojnë, krijojnë dhe ndihen. Kjo është një përgjegjësi e madhe.
02 / Dinjitet dhe mbrojtje
Çdo artist meriton të punojë me dinjitet, privatësi dhe qetësi. Fëmijët kërkojnë mbrojtje të posaçme: një të drejtë që duhet garantuar në ligj, në hapësirë dhe në përditshmëri.
03 / Kujdesi në projekt
Për studiot tona të muzikës, kërcimit e baletit, kjo do të thotë akses i sigurt, hyrje të qarta, hapësira pritjeje, mundësi mbikëqyrjeje dhe privatësi e mbrojtur.
Do të thotë edhe dysheme, ajër, akustikë dhe dalje emergjence të përshtatshme.
04 / Praktika ndërkombëtare
Në Angli, udhëzimet për aktivitetet jashtëshkollore përfshijnë politika mbrojtjeje dhe ankese; shoqata britanike ISM rekomandon vëzhgim të përshtatshëm të mësimit individual dhe pritje për prindërit.
Në Australi, Creative Workplaces mbështet sigurinë e artistëve, ndërsa parimet kombëtare për fëmijët ndërthurin mjedisin fizik e digjital, familjen dhe mekanizmat e raportimit. Janë praktika parandalimi që kërkojnë zbatim të vazhdueshëm.
Burime: Creative Australia · Australian Human Rights Commission
05 / Përgjegjësi të përbashkëta
Kujdesi ka një vazhdimësi përgjegjësish.
Arkitekti parashikon nevojat dhe projekton kushtet. Shteti përcakton standardet dhe kontrollon zbatimin. Drejtuesit e studios dhe mësuesit i zbatojnë ato çdo ditë. Prindi informohet, dëgjon dhe bashkëpunon.
Fëmija ka zë në këtë proces dhe mbrohet edhe kur prindi nuk mund të jetë i pranishëm.
06 / Propozim profesional
Aty ku vetëdija dhe përgjegjësia individuale nuk mjaftojnë, duhen garanci të verifikueshme. Propozoj një plan sigurie të detyrueshëm për studiot që punojnë me fëmijë, me përgjegjës të identifikuar dhe kontrolle të barabarta për të gjithë.
Kur arkitektura dhe institucionet krijojnë kushtet e duhura, mësuesi dhe prindi mbështeten më mirë në rolin e tyre. Kështu punojmë për më pak hapësirë për bullizëm e keqtrajtim dhe më shumë besim për të mësuar e krijuar. Projektimi është pjesë e kësaj mbrojtjeje.
07 / E ardhmja fillon sot
Fëmijëve u flasim për të ardhmen. Me hapësirat që projektojmë, u tregojmë sa kujdesemi për të tashmen e tyre.
Ujeza Mulaj Architecture
0 comments